Menya Akarere ka Ruhango

Akarere ka Ruhango ni kamwe mu turere umunani tugize Intara y’Amajyepfo, kashyizweho n’Itegeko nº 29/2005 ryo ku wa 31/12/2005 rigena imiterere n’imikorere y’inzego z’imitegekere y’Igihugu cy’u Rwanda.

Telephone:
4052 Hamagara ku buntu

Email:
info@ruhango.gov.rw

P.BOX:

Akarere ka Ruhango ni kamwe mu turere umunani tugize Intara y’Amajyepfo. Kashyizweho n’Itegeko nº 29/2005 ryo ku wa 31 Ukuboza 2005 rigena imiterere n’inzego z’imitegekere y’Igihugu cy’u Rwanda. Akarere ka Ruhango kagizwe n'ibyari Uturere twa Kabagali, Ntenyo, Ntongwe ndetse n’Umujyi wa Ruhango.

Ubu Akarere ka Ruhango kagizwe n’Imirenge 9, Utugari 59 n’Imidugudu 533. Gahana imbibi n’uturere dukurikira:

Mu Majyaruguru: Akarere ka Muhanga
Mu Majyepfo: Uturere twa Nyanza na Nyamagabe
Mu Burengerazuba: Akarere ka Karongi
Mu Burasirazuba: Uturere twa Kamonyi na Bugesera

Akarere ka Ruhango kagabanyijemo ibice bitatu by’ingenzi:

Igice cy’Amayaga: kigizwe n’Imirenge ya Mbuye, Kinazi na Ntongwe
Igice cy’Akabagali: kigizwe n’Imirenge ya Bweramana, Kabagali na Kinihira
Igice cyo Hagati: kigizwe n’Imirenge ya Ruhango, Byimana na Mwendo

Icyicaro cy’Akarere ka Ruhango giherereye mu Murenge wa Ruhango, Akagali ka Nyamagana, Umudugudu wa Nyarusange ya I kuri metero 600 (600m) uvuye kuri Kaburimbo, ku birometero 73 uvuye mu Mujyi wa Kigali werekeza i Huye.

Akarere ka Ruhango gatuwe n’abaturage 357,028, bari mu ngo 86803, barimo abagabo 178353 n’abagore 178675. Ubuso bw‘Akarere ka Ruhango bungana na km2 626.8 ni ukuvuga abaturage 568 kuri km2 Ubukungu bw’Akarere ka Ruhango bushingiye ahanini ku buhinzi, ubworozi.

Ibihingwa by’ingenzi ni Imyumbati, ibishyimbo,ibigoli umuceri, ikawa akaba ari byo ahanini bitunze abaturage.

Akarere ka Ruhango kabonekamo ibishanga binini kandi gakora ku nzuzi za Nyabarongo n'Akanyaru.