Ibigo bitandukanye byo mu Murenge wa Ruhango bitabiriye igikorwa cyo Kwibuka31 Jenoside Yakorewe Abatutsi.  Abayobozi b'ibigo by’amashuri bari kumwe na bamwe mu barium batandukanye hamwe n'abanyeshuri basuye Urwibutso rwa Jenoside Yakorewe Abatutsi Rwa Ruhango. Basobanuriwe amateka ya Jenoside, bashyira indabo ku mva ishyinguyemo abishwe muri Jenoside Yakorewe Abatutsi.

Mu byo basabwe kandi biyemeje ni uguhangana no gukomeza kurushaho kurwanya ingengabitekerezo ya Jenoside ndetse n’abapfobya bagahakana Jenoside yakorewe Abatutsi. muri iyi si y’ikoranabuhanga, kenshi abapfobya bakoresha imbugankoranyambaga zitandukanye. Urubyiruko rero rurasabwa kwiga no gusobanukirwa neza amateka y’igihugu cyacu hagamijwe kudashukwa ahubwo bagahangana n’uwo ari we wese ugoreka amateka y'Igihugu cyacu.