Kuwa 19 Werurwe 2025,  habaye umugoroba w'ikiriyo mu rwego rwo Kwibuka 31 Jenoside yakorewe Abatutsi ku Mayaga ya Kinazi na Ntongwe ahahoze ari muri Komini ya Ntongwe. 

Igikorwa cyabereye ku Rwibutso rwa Jenoside rwa Kinazi, kibimburirwa n'Urugendo rwo Kwibuka rwatangiriye i Nyagahama (ahari inkambi y'impunzi z'Abarundi mu gihe cya Jenoside ari nabo bagize uruhare runini mu kwica Abatutsi), rusorezwa ku Rwibutso. Uru Rwibutso rwa Jenoside rwa Kinazi rushyinguyemo imibiri 63,355.Ejo hazashyingurwa mu cyubahiro indi mibiri 38. 

Ni igikorwa cyitabiriwe na Guverineri w'Intara y'Amajyepfo Kayitesi Alice, Umuyobozi w'Umujyi wa Kigali (Lord Mayor CoK), Ubuyobozi bw'Akarere, inzego z'umutekano mu Ntara no mu Karere, abashyitsi baturutse hirya no hino mu Gihugu, abaturage b'Umurenge wa Kinazi na Ntongwe n'inshuti zabo. Kwibuka nyirizina no gushyingura bizaba ejo mu gitondo guhera saa yine (10h00).