Mu Karere hizihijwe umunsi mpuzamahanga w'abageze mu zabukuru aho ku rwego rw'Akarere byabereye mu Murenge wa Ruhango. Umuyobozi w'Akarere Ushinzwe Imibereho myiza MUKANGENZI Alphonsine yifatanyije n'abatuye Umurenge wa Ruhango kwishimira no kuzirikana uruhare rw'abageze mu zabukuru bafasha guteza imbere Igihugu.

Mu byagarutsweho kuri uyu munsi harimo gufasha abageze mu zabukuru nk'inshingano z'abakiri bato, kuzirikana abageze mu zabukuru nk’umurage ndangamuco nyarwanda, gukomeza gushyiraho gahunda ziteza imbere imibereho myiza ya bose ndetse n’abageze mu zabukuru by’umwihariko. 

Hatanzwe ikiganiro ku mateka, humviswe indirimbo zitandukanye, ikiganiro cy'umunsi mpuzamahanga w’abageze mu zabukuru ku insanganyamatsiko igira iti :” Twite ku bageze mu zabukuru , dutegura ahazaza heza h’abakiri bato ,ni inkingi y’iterambere rirambye", etc. Horojwe imiryango 3 yahawe Inka 3.

Nyuma  abitabiriye bose bakoze ubusabane.