Kuwa 03 Werurwe mu Karere hatangijwe icyumweru cyahariwe serivisi z'Ubutaka aho byatangirijwe mu Murenge wa Kabagali ku rwego rw'Akarere n’Umuyobozi w’Akarere wungirije ushinzwe iterambere ry’ubukungu Bwana Jean Marie RUSIRIBANA. 

Ubuyobozi bw'Akarere n'abakozi bashinzwe gutanga ibyangombwa by’ubutaka bakorera muri serivisi ya “One Stop Centre” basobanuriye  abaturage amwe mu mategeko ajyanye n'Ubutaka harimo ari ko hanatangwa serivisi zitandukanye kubashaka ibyangombwa by'ubutaka ndetse n’abadafite amakuru ahagije bahabwa ibisobanuro bibanyuze.

 Abaturage bitabiriye barashima ko ubuyobozi bubegera kandi bukabasanga aho batuye bukabafasha guhabwa serivisi bari bakeneye, mbese bahamya ko ubuyobozi bubavuna amaguru. Iyi gahunda isanzwe ikorwa aho izwi nk’Akarere mu Kagari cyangwa Akarere mu Murenge.