Ubwo hatangizwaga igikorwa cyo gutera umuti wica udukoko dukwirakwiza malariya mu mazu mu Murenge wa Mbuye ku rwego rw’Akarere, abaturage basabwe korohereza abajyanama b’ubuzima bari mu gikorwa cyo gutera umuti. 

Umuyobozi w'Akarere w’Akarere wungirije ushinzwe Imibereho myiza y’abaturge Madamu MUKANGENZI Alphonsine yashimiye abajyanama b'ubuzima ku gikorwa n’akazi katoroshye bakora buri munsi. Yabasabye gukomeza kwitanga no gukoresha neza amahirwe yo kurinda indwara abaturage bashinzwe. 

Umuyobozi w’Akarere wungirije yasabye kandi abaturage gukomeza kubahiriza amabwiriza yashyizweho yo gukumira indwara ya malaria harimo; kurara mu nzitiramibu, gutema ibihuru bikije amazu, gusiba ibinogo cyangwa ibyobo birekamo amazi no kubipfundikira n’ibindi.